بەپەلە.. تەرمی گەنجێک دۆزرایەوە
12:52 - 03/04/2025
زەمەن _ سۆران
بەرگری شارستانی هەولێر ئاشکرایکرد، تەرمی هاووڵاتیی (ئەردەوان حەسەن) لە چیای برادۆست دۆزرایەوە و ڕەوانەی نەخۆشخانەی مێرگەسۆر کرا، دواتر بۆ توێکاریی پزیشکی رەوانەی پزیشکی دادی سۆران کراوە.
ئەمڕۆ پێنجشەممە، ٣ی نیسانی ٢٠٢٥، کاتژمێر ٧:٣٠ تەرمی گەنجێک بە ناوی ئەردەوان حەسەن لە چیای برادۆست دۆزرایەوە و ڕەوانەی پزیشکی دادی سۆران کراوە بۆ توێکاری.
ئەمە لە کاتێکدایە کە ئەو گەنجە، دوێنێ بەمەبەستی هێنانی گیای بەهاری ڕووی لە چیای برادۆست کردبوو، بەڵام ونبووبوو لە دوێنێ شەوەوە گەڕانی تیمەکانمان بۆ دۆزینەوەی بەردەوامبوو تا ئەمڕۆ تەرمەکەی دۆزرایەوە”.