دۆلار دابەزینی بەرچاوی تۆمارکرد
05:48 - 02/04/2025
زەمەن _ هەرێمی کوردستان
دۆلار دابەزینێکی بەرچاوی تۆمارکرد و ١٠٠ بەرامبەر بە ١٤٨ هەزار دینار مامەڵەی پێوەدەکرێت.
ئەمڕۆ چوارشەممە، ٢ی نیسانی ٢٠٢٥، بەهۆی ئاڵۆزییەکانی نێوان ئێران و ئەمریکاوە دۆلار دابەزینێکی بەرچاوی تۆمارکرد و لە گرووپەکان کڕین و فرۆشتنى دۆلار ١٠٠ دۆلار گەیشتووەتە ١٤٨ هەزار دینار".
هاوکات، دانا مەولود، لە بازاڕى ئاڵوگۆڕى دراو لە سلێمانى رایگەیاند، "بەهاى ئێستاى دینار بەرامبەر دۆلار نرخێکى نافەرمییە و پەیوەندیى بە گرووپەکانەوە هەیە". بۆچوونیشى وایە دابەزینى بەهاى دینار پەیوەندیى بە هەڕەشەکانى دۆناڵد ترەمپ، سەرۆکى ئەمریکا بۆ سەر ئێران هەیە.
ئەمە لە کاتێکدایە، کە بەهۆی پشووەکانی جەژنەوە بازاڕەکانی ئاڵوگۆری دراو داخراون و تاوەکو رۆژى یەکشەممە ٦ـى نیسانى ٢٠٢٥ بازاڕى ئاڵوگۆڕى دراو لە عێراق و هەرێمى کوردستان ناکرێتەوە.