وەزارەتی دارایی عێراق لە بارەی دابەشکردنی مووچەی هەرێمەوە پێش جەژن بڕیاریدا
01:02 - 22/03/2025
"زەمەن"
وەزارەتی دارایی عێراق بڕیاریداوە پێش جەژن
پارەی هەرێم بنێرێت، بەڵام مەرجی هەیە.
وەزارەتی دارایی هەرێم لەگەڵ ناردنی لیستی مووچە بۆ بەغدا داوای
لە بەغدا كردووە، ئەگەر هەر تێبینیەكیان لەسەر لیستی مووچە هەیە دوای بخەن بۆ لیستی
مووچەی مانگی 4 بۆ ئەوەی بەر لە جەژن مووچەی مانگی 3 دابەش بكەن.
بە گوێرەی زانیاریی
میدیاکان بەغدا لەگەڵ بەردەوامبوونی وردبینی كردنی لیستی مووچە لەبەرامبەر ئەم
داوایەدا نەرمی نواندووە و ڕایگەیاندووە، ئامادەن ئەم مانگەش پێش جەژن مووچە بنیرن،
بەڵام بەو مەرجەی هەرێم داهاتی نانەوتی لەسەر ئەو بڕەی ڕێكەوتن و لەكاتی خۆیدا بۆ
بەغدای بنێرن و بۆ جارەکانی ئایندەش ناردنی لیستی مووچە پێش بخەن بۆ پێش 10ی مانگ.
پێشتریش حكومەتی هەرێمی
كوردستان ڕایگەیاندبوو، لەمەودا پێش 10ی هەر مانگێك لیستی مووچە بۆ بەغدا دەنێرین،
بەمەش یەكێك لە گرفتەكان چارەسەر دەبێت.