بەپەلە.. ماتۆڕسکیلێک خۆی دەکێشیت بەدارێکدا و هەردوو سەرنشینەکەی گیانیان لەدەستدا
04:54 - 02/04/2025
زەمەن _ هەولێر
ماتۆڕسکیلێک لە هەولێر کۆنترۆڵ لەدەستدەدات و خۆی دەکێشێت بە دارێکی شەقامی ٦٠ مەتریدا و دوو سەرنشینی ماتۆڕەکە گیانیان لەدەستدا.
ئەمڕۆ چوارشەممە، ٢ی نیسانی ٢٠٢٥، نەخۆشخانەی فریاکەوتنی ڕۆژئاوای هەولێر بڵاویکردەوە، کاتژمێری ١ی پاشنیوەڕۆ لە شەقامی ٦٠ مەتری، ماتۆڕسکیلێک کۆنتڕۆڵی خۆی لەدەست دەدات و خۆی دەکێشێت بە دارێکدا و ڕاستەوخۆ سەرنشینێکیان گیانلەدەستدەدات.
ئاماژەی بەوەشداوە، دوای گەیاندنی سەرنشینی دووەم بۆ نەخۆشخانەی فریاکەوتنی ڕۆژئاوا بەهۆی سەختی برینەکەیەوە پاش کاتژمێرێک گیان لەدەستدەدات.
هاوکات ئەوەش زانراوە، ئەو دوو کەسە تەمەنیان لە نێوان ١٨ ساڵان و ٢٢ ساڵاندایە.