862 کوردستان

لە هەولێر نرخی ئەمپێری کارەبای موەلیدە دیاریکرا

02:51 - 03/04/2025

زەمەن - هەرێمی كوردستان

خۆران خۆرانی سەرۆکی ئەنجومەنی موەلیدە ئەهلییەکانی سنوری پارێزگای هەولێر رایگەیاند، بۆ مانگی رابردوو نرخی موەلیدە بەپێی نرخی گازوایل لە بازاڕەکاندا بۆناو شاری هەولێر دیاری کراوە و بڕیارە رۆژی یەکشەممەی داهاتوو نرخەکەی لە دەرەویە شارەکانیدا دیاری بکرێت.

بەقسەی سەرۆکی ئەنجومەنی موەلیدە ئەهلییەکان: مانگی رابردوو موەلیدەکان رۆژانە بە تێکڕا نزیکەی حەوت سەعات و نیو کاریان کردووە و نرخی یەک لیتر گازوایل بە 530 دینار دیاری کراوە، بەوەش بۆ هەر کاتژمێرێک 43 دینار و نیو دەکەوێت.

نرخی موەلیدەکان بەم جۆرەیە:

-نرخی یەک ئەمپێر لەناو شاری هەولێر لەنێوان سێ هەزار بۆ 12 هەزار و 500 دیناردایە، ئەوەش بەپێی کاتژمێرەکانی کارکردنی موەلیدە لە گەڕەکەکاندا دەگۆڕێت.

- نرخی یەک ئەمپێر لە ناوبازاڕی شاری هەولێر لەنێوان سێ هەزار بۆ چوار هەزار و 500 دیناردایە.

سۆشیال میدیا

ڕۆژنامەی زەمەن