شەپۆلە بەهێزەکەی باران بەم شێوەیەیە
03:31 - 02/04/2025
زەمەن - هەرێمی کوردستان
کاریگەری ئەو شەپۆلەی باران و هەورە بروسکەی ناوچەکانی گرتۆتەوە ئەمرۆ چوارشەممە لەزۆربەی ناوچەکان تائێوارەی ئەمرۆ بەردەوامە بەشێوەی ناو بەناو لەهەندێ ناوچەش تادرەنگانی شەو.
شاڵاو هیدایەت شارەزای کەشناسی لە لێدوانێکیدا بۆ «زەمەن» سەبارەت بەکەشی ڕۆژانی پێنج شەمەو هەینی ئەوانەی بەنیازی گەشتن، ووتی« لەدەرەوە کەشو هەوا گونجاوە بۆ گەشتو کارو دەرەوە "
سەبارەت بە شەپۆلە بارانە توندەکەش وتی« لەشەوی هەینی لەسەر شەمە و ڕۆژی شەممە تا ڕۆژی یەکشەممە هەرێمی کوردستان و ناوچەکە دەکەوێتە ژێر کاریگەری حاڵەتێکی بەهێزی ناجێگیری کەشەوە، ئەم حاڵەتە لەئەنجامی هاتنی شێیە کی باشی مەداری ناوچەی کەمەرەیەوەیە کەبەسەر دەریای سوردا دێت و بڕێک شێی ئەو دەریایەش لەگەڵ خۆی دێنێت بۆ ناوچەکە وە لەدەریای ناوەڕاستیشەوە بڕێک شێ تێکەڵ بەحاڵەتە دەبێت له سەر ناوچەکانمان بەوهۆیەوە حاڵەتێکی بەهێزو گشتگیری ناجێگیری کەش دروست دەبێت لەسەر ناوچە جیاوازه کانی هەرێم ڕەنگە لەسەر زۆرینە بەهێز بێت ».
رونیشیکردەوە «حاڵەتەکە کەخۆی دەبینیێتەوە لەتاوە بارانی بەخوڕو هەورە بروسکەو زیاد بوونی خێرایی باو وە تەرزە لەهەندێ ناوچە له مەودای حاڵەتەکەدا هەوری کۆمۆلۆنیمبۆس و وە سۆپەر سێڵ لەبەشێک ناوچە دروست ده بێت کەهەڵگری بارانی باشن بەتایبەت سوپەر سێڵ کەپڕ باراناویترین جۆری هەورە».
شاڵاو هیدایەت سەبارەت بەبڕی بارانەکش وتی« بڕی بارین دیارنیه لەئێستاوە چونکە حاڵەتەکە ناجێگریەو مەگەر یەک تادوو سەعات پێش هاتنی، وە ئەگەری بەرزبوونەوەی ئاستی ئاو هەیە لەزۆربەی ناوچەو لەگەڵ دروست بوونی لافاو لەهەندێ شوێنی دیاری نەکراودا و تایبەت ئەو شوێنانەی مەترسیانەی لەسەره و حاڵەتە بەبەهێزی لەنگەر دەگرێت لەسەریان وە پله کانی گەرماش بەڕێژەی 3 تا 5 پله ی سیلیزی دادەبەزن بەنسبەت ئەمرۆوە ،
حاڵەتەکە شەوی هەینی لەسەر شەممە سەرەتا لەناوچەکانی باشوری هەرێم گەرمیانو هەڵەبجەو باشوری سنوری پارێزگای سلێمانیەوە دەست پێده کات دواتر بەتێپەڕ بوونی کاتو بەتایبەت بۆ شەممە درێژ درێژ دەبێتەوە بۆ سەرجەم ناوچەکانی ترو تاڕۆژی یە کشەممە بەردەوام دەبێت و
هەروا بۆ دواتریش حاڵەتی تری بارانو هەورە بروسکەی تر لەئارادان دواتر باسیان دەکەین .