637وتار

شەهیدان و ڕوباری خوێن بەرەو کوێ؟

11/23/2020 9:47:00 AM

سه‌ركه‌وتی جیهاز

مێژوی ئێمە مێژوویەکە پڕ لە ململانێ ی بەرەنگاربونەوەی مانەوەی ناسنامە ، ئەم بەرەنگاربونەوەیە و ئەم بەرگریکردنە لە ناسنامە ، پێویستی بە قوربانیدانی گەورە بوە تا بگەینە شوێنێک بە مانا گشتیەکەی ڕۆحی ئەم شەهیدانە ئاسودە بێت ، با لێرەدا پرسیارێک لە خۆمان بکەین ، ئایا هەر بەڕاست کە گەشتینە ئێرە توانیمان ڕۆحی شەهیدان ئاسودە بکەین .؟؟

دوای کەوتنی ئەسپی ئەیلول شۆڕشی نوێ لە هەناوی شکستێکی گەورەوە توانی پەرە بە خەباتی بەرگری لە ناسنامەی نەتەوەیەک و نیشتمانێک بکات و بە ئامادەبونێکی پڕ قوربانی گەورەوە لە هەناوی شکستی شۆڕشێکەوە توانی ڕوخان بکات بە بونتیادنانەوە و کەوتن بکات بە هەستانەوە ، کە ناومان نا ڕوباری خوێن ، خۆ ئەگەر هەمو ڕوبارەکانی پێش شۆڕشی نوێ و دوای کەوتنی ئەسپی ئەیلول ببەستینەوە پێکەوە ئەوا کەم نەتەوە هەیە توانیبێتی بێ بونی دەوڵەتی نەتەوەیی ئەم قوربانیە گەورەیە بدات ، ئەگەر چی بەریەککەوتنی هێزە گەورەکانی جیهان و ناوچەکە بە ئاراستەی بەرژەوەندی خەباتی چەکداری کورد نەبوە ، بەڵام کورد توانیویەتی بە قوربانیدان و ئەم ڕوباری خوێنانە بەرگری لە مانەوەی خۆی بکات و درێژە بە شۆڕشەکانی بدات ، ئا لێرەدا دەبێت بچێنەوە سەر کرۆکی پرسیارەکەمان:

کە ئایا توانیامان بەری ڕەنج وخەباتی ئەم ڕوبارە خوێنە بکەینە ماڵیک بۆ ئاسودەی تاکی کورد ..؟؟
لەم هەگبەدا دوا ڕوبار نیە بەڵکو لەگەڵ گەشتنمان بە دەوڵەت هێشتا ڕوبارە خوێنەکە هەر درێژەی هەیە ، بەڵێ ئێمە بە هەمو کەم و کوڕیەکانەوە دەوڵەتەمان هەیە دامەزراوەیەکانی هەر چوار دەستەڵاتەکەمان هەیە ، پەیوەندی گرنگ و جیهانیمان هەیە ، سەرچاوەی داهاتی هەمە ڕەنگە و خۆبژێویمان هەیە ، لە پەنای ئەم دەوڵەتداریەدا هێشا ڕوبارە خوێنەکەمان هەر دەڕوا و پێویستی بە خوێنی زیاتر هەیە ، وەک بینیمان لە شەڕی داعش ، بەڵام با لە خۆمان بپریسین بۆ ئەم هەمو غەدرە لەم ڕوبارە خوێنە دەکەین ، کوفرێکی گەورەی خوێنیە کە نەتوانی وا لە تاکی هاوڵاتی بکەیت شانازی بکات بەم ڕوبارەوە ، کوفرێکی گەورەی شۆڕشیە کە سەرچاوەی ئەم خوێنە شۆڕش بوە ئێستە ببێتە گاڵتەجاڕی ، گوناهێکی هێندە گەورەیە کە :

1.   بنەماڵەی ئەم شەهیدانە لە سایەی دەوڵەتێکی بێ بەرنامەوە کە بەری ڕەنجی شەهیدانە داواو بکەن موچەکانیان لە بەغداد بدرێت.
2.   تاکی کورد لە بەرهەمێنەوە بکرێت بە بەرخۆر و دنیایەک بن دیوار و پاسەوان.
3.   بە هێکتار زەوی هەبێت و نەتوانرێت بکرێت بە بونیادی ژێر خانی ئابوری و دەوڵەت پایەکانی لەسەر دابنێ و داگیر بکرێت .
4.   دەوڵەت و حکومەت قاسەی بەتاڵ بێت ، لێپرسراو و کارئەکتەری ناو ئەو شۆڕشە قاسەیان لە حکومەت پڕ تر بێت .
5.   گوناهێکی گەورەیە بەرامبەر ئەو دەریا خوێنە دو ئیدارە و دو زۆن و دو دەوڵەتی داگیرکەر تەحکوم بە بەرهەمی ئەم ڕوبارەەوە بکەن .
هەمو ئەمانە و یەک دنیا شتی تر ، ئێ خۆ تا ئێستا کارئەکتەری ناو دواهەمین شۆڕشی خاوەنداری ڕوبارە خوێنەکە زۆربەیان ماون و لەهەرەمی دەستەڵاتدان دەبێ ئەم پرسیارانە لە خۆیان بکەن ، بۆ کە گەشتنە ئێرە نەیان توانی چەتری ئاسودەی حکومڕانی بەرهەم بهێنین ، هەر بەڕاستی ئەم روبارە خوێنە ئەم هەمو قوربانیدانە دوای ئەم هەمو نارەزاییە ناکرێت لە شوێنێکا ڕابگیرێ ، ئایا ئەمە گوناهی بەکافربون نیە بەرامبەر ڕوبارە خوێنەکە ، یان ڕوبکەینە کێ و بڵێین تکایە با بەس بێت ڕۆژێک دێت سواربونی ئەسپی شۆڕش هەمان گلان دروست نەبێتەوە و دەستەڵاتدارەکانیش خۆشیان نەزانن بۆ..؟