فڕۆكەیەك خۆی كێشا بەنەخۆشخانەیەكداو چەندكەسێك گیانیان لەدەستدا
02:51 - 22/12/2024
زەمەن _ جیهانی
لەتورکیا هێلیکۆپتەرێک خۆی دەکێشێت بە بینای نەخۆشخانەیەکدا و چوار کەس گیانیان لەدەستدا.
ئەمڕۆ یەکشەممە، ٢٢ی کانوونی یەکەمی ٢٠٢٤، قەزای مەنشەتە سەر بە پارێزگای موغڵای تورکیا، هێلیکۆپتەرێک خۆی بە ناوەندی نەخۆشخانەی فێرکاریی و لێکۆڵینەوەی پارێزگادا کێشا و لە ئاکامی ڕووداوەکە، دوو فڕۆکەوان، یەک دکتۆر و کارمەندێکی نەخۆشخانەکە گیانیان لەدەستدا.
هاوکات لەمبارەیەوە، ئیدریس ئاکبییک، پارێزگاری موغڵا لە کۆنگرەیەکی ڕۆژنامەوانیدا ڕایگەیاند: کاتژمێر ١٠:٠٦ خوولەک لە قەزای مەنشەتە سەر بە پارێزگای موغڵا هێلیکۆپتەرێک خۆی بە ناوەندی نەخۆشخانەی فێرکاریی و لێکۆڵینەوە داکێشا.
هەروەها ئاماژەی بەوەشدا، لێکۆڵینەوە لە ڕووداوەکە دەستی پێکردووە.