وتاری بەڕێز دکتۆر بەرهەم و چەند سەرنجێکی کورت
12/28/2023 1:37:00 PM
سلێمان مستەفا حەسەن
بەڕێز دکتۆر بەرهەم بە
بۆنەی ماڵئاوایی ساڵی 2023 وتارێکی لە ڕۆژنامەی
شەرقو لئوسەت بڵاو کردۆتەوە و لەماڵپەرەکانیش بە کوردی بڵاوی کراوەتەوە ، وێرای دەستخۆشیمان
بۆ پەرۆشی بەڕێزیان ، بەڵام ناکرێت بێ کۆمێنت و سەرنج لەو وتارە بڕوانین ، بە حوکمی پێگەی ڕابردوی لە هەرێم و عێراقدا ،
خوێندنەوەی دکتۆر بۆ سیاسەتی جیهان و ناوچەکە و عێراق و ئاڵنگاریەکانی فرە ڕەهەندن
، وە نامەوێت کۆمێنت لەسەر ئەو پرسە بنوسم ، ئەوەی مەبەستمە پرسی کورد و پرسی
کوردو بەغدا یە .
سەرەتا پرسی هەمواری دەستور:
پرسی هەموار کردنەوەی
دەستور بەبێ کۆ دەنگی و سازانی نێوان کورد و عەرەب کارەساتە ، گۆڕینی سیتەمی حوکمڕانی
لە پەرلەمانیەوە بۆ سەرۆکایەتی کارێکی دروستە ، بەڵام لە غیابی نکۆڵی کردنی مافی تەواوی
پێکهاتەکان و باڵا دەستی ئەقڵی شۆڤێنی و مەزهەبی ، دوای سەدەیەک لە ماڵوێرانی چاوەڕێ
دەرنجامی دڵخۆشکەرەی لێوە چاوەڕوان ناکرێت ، دەکرێت تێڕوانینی سالح بۆ وڵاتێکی بێ کێشەی نەتەوەیی و مەزهەبی و ئاینی
دروستبێت .
بەهەمان شێوە بەبێ ڕەخەساندنی
زەمینە سازی یاسایی و سەرەوەری یاسا و چەسپاندن و جێبەجێکردنی پرەنسیپی ماف بۆ تاک
و پێکهاتەی نەتەوەیی و مەزهەبی و دینی بۆ هەڵبژاردنی پارێزگار لە لایەن دەنگدەران
، چاوەڕێ ئەنجامی باشی لێناخوێنرێتەوە ، چونکە ئەزمونی ڕابردو وامان پێدەڵێت بۆیە
ناکرێت مەترسیەکان نادیدەبگرین .
پرسی کورد لە ڕۆژهەڵاتی ناوەڕاست
دکتۆر بەرهەم دوور نزیک
باسی پرسی کوردی نەکردوە ، کە هاوشانی پرسی فەڵەستین کێشەیە ڕەوای گەڵێکی 50 ملیۆنیە
؟ بێ چارەسەرکردنی کێشەی ڕەوای گەلی کورد ، ڕۆژ هەڵاتی ناوەڕاست و ناوچەکە ئارامی
بەخۆیەوە نابینێت ، ڕۆژانە ژێرخانی ئابوری ڕۆژئاوای کوردستان وێران دەکرێت ، بۆردومانی
هاوڵاتیانی مەدەنی دەکرێت ، بە بەر چاوی جیهان سەدان بگرە هەزاران تێکۆشەری سڤیل لە
باکوری کوردستان زیندانی دەکرێن ، تەنهاو تەنها لەبەر ئەوەی داوای مافی ئاسای خۆیان
دەکەن ، بە بەرچاوی جیهان ، لەسایەیی باڵادەستی سیستەمی سیاسی جیهان کە پرنسیپی
مافی مرۆڤ و دیموکراسی سلۆگانیەتی .
پرسی هەرێمی کوردستان
کاک بەرهەم لەئاستی
گرفتەکانی نێوان هەرێم و بەغدا بێ دەنگی هەڵبژاردوە ، بە وشەیەکیش باسی ئەو پرسەی
نەکردوە ، ماددەی 140 ، گرفتی دادگای فیدڕاڵی و موچەی فەرمانبەران و یاسای نەوت و
گاز ، شەراکەتی ڕاستەقینەی حوکمڕانی ، میللەتێک بەو هەموو قوربانی دانەی ، میللەتێک
کە لە بنیاتنانەوەی عێراقی نوێدا شکی شێری بەردەکەوێت ، بەڵام ئێستا بە بەر چاوی جیهان
و مافی مرۆڤ و دیموکراسی بۆ ماوەی سێ مانگە موچەی خانەنشین و فەرمانبەرانی نادرێت
بە هۆکاری بەکارهێنانی زاراوەی نا ماقوڵ و
نایاسای [ ئینفاقی فعلی ] .
پرسی چاکسازی حوکمڕانی :
سالح نەیپرژاوتە سەر
پرسی حوکمڕانی و محاسەسەی حزبی و مەزهەبی و نەتەوەی و ناوچەی لەسەر ئاستی حوکمڕانی
عێراق ، پێی نەوتین ئایا چۆن چاکسازی لە حوکمڕانی دەکرێت ، ئایا لە ڕێگەی چاکسای
حکومەت یان بەرپرسان چاکسازی دەکرێت ، ئایا چۆن میلیشیا کان چەکدە کرێن ، ئایا چۆن
یاسا سەروەر دەبێت ، چۆن عێراق دەبێتە دەوڵەتی یاسا و دەوڵەتی ماف