ئەنجوومەنى وەزیران کۆدەبێتەوە پرسى مووچە و رەوشى کارەبا دوو تەوەرى سەرەکى دەبن
10:27 - 26/06/2024
زەمەن - کوردستانى
ئەمڕۆ ئەنجومەنی وەزیرانی هەرێمى کوردستان کۆدەبێتەوە بۆ تاوتوێکردنی پرسەکانی مووچە و بەبانکیکردن و هەروەها کارەبا و گەڕانەوەی حاجیان.
بەگوێرەی کارنامەی ئەمڕۆی کۆبوونەوەکە، رەوشی كارەبا لە هەرێمی كوردستان و پێشنیازی داشكاندنی رێژەی 20%ى قەرزی سەر هاووڵاتیان تاوتوێ دەکرێت.
لە بڕگەی دووەمدا راپۆرتی وەزارەتی ئەوقاف سەبارەت بە رەوشی حاجیانی ئەمساڵ و تەواوبوونی رێورەسمەکە دەخرێتەڕوو.
لە بڕگەى سێیەمى کۆبوونەوەکە تایبەت دەبێت بە، پرسى مووچە و بە بانكیكردنی مووچەخۆران و هاوكاریی هاوپەیمانان بۆ پێشمەرگە.