ساڵح موسلیم: رێککەوتنی تورکیا و عیراق باشوری کوردستان دەخاتە مەترسییەوە
02:22 - 07/09/2024
زەمەن - كوردستانی
ساڵح موسلیم ھاوسەرۆکی پارتی یەکێتی دیموکرات
(پەیەدە) رایگەیاند، ئەو رێککەوتنەی لە ١٥ی ئاب لە نێوان ئەنقەرە و بەغداد ئیمزاکراوە،
ھاوشێوەی رێککەوتنی ئەدەنەیە کە لە ساڵی ١٩٩٨ لە نێوان تورکیا و سوریا ئیمزاکرا.
ئەمڕۆ شەممە هاوسەرۆكی پەیەدە لە لێدوانێكی رۆژنامەوانیدا
وتیشی، ئەو رێککەوتنە سەروەری عیراق بە تەواوی پیشێلدەکات و شەرعیەت دەدات بە داگیرکاری
تورکیا و باشوری کوردستان دەخاتە مەترسییەوە و گۆڕانکاری دیمۆگرافی دروست دەکات و
رێککەوتنەکە لەسەر بنەمای لەناوبردنی کورد دارێژراوە.
ساڵح موسلیم راشیگەیاند، لە پرۆژەی گەورەی نوێی
رۆژھەڵاتی ناوەڕاستدا، تورکیا ئامانجی لەناوبردنی ھەموو کوردەکانە و پێویستە دەستبەجێ
گەل و لایەنەکانی کوردستان یەک ھەڵوێستیان ھەبێت و ئاگاداری ئەو پیلان و ڕێککەوتنانە
بێت.