کاتى دابەشکردنى حەوتەم بەشەخۆراک راگەیەندرا
07:27 - 16/09/2024
زەمەن - کوردستانى
نەوزاد شێخ کامیل، بەڕێوەبەری گشتی بازرگانی و پیشەسازی هەرێمی کوردستان رایگەیاند، دابەشکردنى بەشەخۆراکى شەشەمى مانگانە تەواوبووە و بەشى حەوتەمى بەشەئاردیش لە تەواوبووندایە، ئێستا ئامادەکارى دەکەن بۆئەوەى بەشەخۆراکى حەوتەم و بەشەئاردى هەشتەم دابەشبکەن.
نەوزاد شێخ کامیل راشیگەیاند، ئێستا بەشەخۆراکى حەوتەم لە کۆگاکاندایە و لە ماوەى چەند رۆژى داهاتوودا بڕیار لە دابەشکردنى دەدەن و بەسەر بریکارەکاندا دابەشیدەکەن.
سەبارەت بە بەشەئاردى هەشتەمیش رایگەیاند، جەردى ئاشەکان دەکرێتەوە و گەنمیان پێدەدرێت، هەرکات ئامادەبوو، بەسەر بریکارەکاندا دابەشیدەکەن.