سەرۆکی ئێران دەچێتە سلێمانیش
10:20 - 12/09/2024
زەمەن - سلێمانی
نزیکەی کاتژمێر
08:15 خولەکی بەیانیی ئەمرۆ پێنجشەممە، 12-09-2024، مەسعود پزیکشیان، سەرۆککۆماری
ئیسلامیی ئێران گەیشتە فڕۆکەخانەی نێودەوڵەتیی هەولێر و لەلایەن نێچیرڤان بارزانی،
سەرۆکی هەرێمی کوردستان پێشوازیی لێ کرا.
مەسعود پزیشکیان
سەرۆککۆماری ئێران لە رێگەی فڕۆکەخانەی نێودەوڵەتیی هەولێرەوە گەیشتە هەرێمی
کوردستان و لەلایەن نێچیرڤان بارزانی، سەرۆکی هەرێمی کوردستانەوە پێشوازی لێکرا.
بەگوێرەى کارنامەى
سەردانەکەى پزیشکیان، دواى کۆبوونەوەى لەگەڵ بەرپرسانى باڵاى هەرێمی کوردستان و
حکومەت، دوانیوەڕۆى ئەمڕۆ سەردانی سلێمانى دەکات و دەچێتە سەر مەزارى جەلال تاڵەبانى،
سەرۆککۆمارى پێشووترى عێراق.
هەر بەگوێرەى
کارنامەکە، پزیشکیان، لە سلێمانى لەگەڵ بەرپرسانى باڵاى حکومى لە سلێمانى و دواتر
لەگەڵ بافڵ جەلال تاڵەبانى، سەرۆکى یەکێتیی نیشتمانیى کوردستان کۆدەبێتەوە.
محهمهد مهحمودیان،
سەركونسوڵی ئێران لە سلێمانى، لەبارەی سەردانی پزیشكیان بۆ سلێمانی رایگەیاند، هەرێمی
كوردستان دوو ناوەندی هەیە، هەولێر و سلێمانی، پزیشكییان بە پێویستی زانیوە سەردانی
سلێمانیش بكات.