پزیشکیان بانگهێشتی مەسعود بارزانی كرد بۆ سەردانکردنی ئێران
12:27 - 12/09/2024
زەمەن - هەرێمی کوردستان
لە چوارچێوەی سەردانەكەی
سەرۆككۆماری ئیسلامیی ئێران بۆ عێراق و هەرێمی كوردستان؛ ئەمڕۆ پێنجشەممە،
12-09-2024، لە شاری هەولێر، مەسعود بارزانی پێشوازی لە مەسعود پزیشكیان، سەرۆككۆماری
ئیسلامیی ئێران كرد.
بەپێی ڕاگەیەندراوی
بارەگای بارزانی، لەو دیدارەدا بیروڕا لەبارەی بارودۆخی گشتیی عێراق و ناوچەكە ئاڵوگۆڕ
كرا و هەروەها جەخت لەسەر هەماهەنگی و پەرەپێدانی پەیوەندییەكان لە بوارە سیاسی و
ئابووری و كولتوورییەكانی نێوان هەرێمی كوردستان و كۆماری ئیسلامیی ئێران كرایەوە.
هەر لە
کۆبوونەوەکەدا، مەسعود پزیشكیان، سەرۆككۆماری ئیسلامیی ئێران بە فەرمی بانگهێشتی مەسعود
بارزانی كرد بۆ سەردانیكردنی بۆ كۆماری ئیسلامیی ئێران.