ترەمپ دەیەوێت لە ئێستاوە تیمی وەرگرتنی دەسەڵات ئامادە بکات
01:17 - 08/10/2024
زەمەن _ جیهانی
ڕۆژنامەی فاینەنشیەڵ تایمز ڕایدەگەیەنێت: سەرۆکی تیمی ترەمپ بۆ ئاڵوگۆڕی دەسەڵات داوا لە ستافی کۆشکی سپی دەکات وەفاداریی خۆیان بەرامبەر بە ترامپ پیشان بدەن.
ئەمڕۆ سێشەممە، ٨ی تشرینی یەکەمی ٢٠٢٤، ڕۆژنامەی فاینەنشیەڵ تایمز بڵاویکردووەتەوە، کە سەرۆکی تیمی ئاڵوگۆڕی دەسەڵات تایبەت بە دۆناڵد ترەمپ لە ئێستاوە هۆشداری دەدات بەو کەسانەی کە راسپێردراون لە ئیدارەی داهاتووی سەرۆکی ئەمریکادا کاربکەن، دەبێت وەفاداربوونی خۆیان بەرامبەر بە ئیدارەکەی ترەمپ بسەلمێنن.
هەروەها ڕۆژنامەکە ئاشکرایکردووە کە هاوارد لاتنیک سەرۆکی تیمەکەیە، بە رۆژنامەی فاینەنشیەڵ تایمزی گوتووە، کە بەرنامەکەی ترەمپ وایە بە خێراییەک بکەوێتە کارکردن کە لە پێش ئەوەوە کەسی تر نەیتوانیبێت بەو خێراییە کاربکات. ئەگەر هەڵبژێردرا، ئەم بەڵێنەی جێبەجێ دەکات، بۆیە دەبێت لە ئێستاوە تیمی کۆشکی سپییش ئامادەبن.