نرخى زێڕ هاڕەیکرد
05:48 - 06/11/2024
زەمەن - ئابورى
ئێوارەى ئەمڕۆ لە کردنەوەى بازاڕى بۆرسەى ئەمریکا، نرخى زێڕ بەشێوەیەکى بەچاو دابەزى و نزیکەى 100 دۆلارى لێبووەوە.
بەیانى ئەمڕۆ لە کرانەوەى بۆرسەى ئاسیا نرخى یەک ئۆنس زێڕ دوو هەزار و 749 دۆلار بوو، بەڵام ئەم ئێوارەیە لە كرانەوەى بۆرسەى ئەمریکا نرخى یەک ئۆنس زێڕ بۆ دوو هەزار ٦٥٢ دۆلار دابەزى.
مامەڵەکارانى زێڕ دەڵێن، بەهۆى ئەوەى پێشتر بازرگانانى زێڕ پێشبینى بردنەوەى دۆناڵد ترەمپیان کردبوو لە سەرۆکایەتى ئەمریکا، زێڕى زۆریان کڕیبوو، نرخەکەى زۆر بەرزبووەوە، بۆیە لە لوتکە ئەمڕۆ زێڕەکانیان فرۆشت، ئەوەش بووە هۆى دابەزینى نرخەکەى.