هەواڵی خۆش لەبارەی مووچە گەیشت
10:09 - 26/12/2024
زەمەن – هەرێمی کوردستان
بەپێی زانیارییەکان،
حکومەتی هەرێمی کوردستان چاوەڕێی گەیشتنی تەواوکاریی پارەی مانگی ١٢یە و بەنیازە
پێشە سەری ساڵ مووچەی مانگی ١١ و ١٢ تەواو بکات.
بەپێی سەرچاوەیەک
لە وەزارەتی دارایی، بەشێکی زۆری پارەی مووچەی مانگی ١١ ئامادەیە و تەنیا
گوژمەیەکی کەماوە بۆ تەواوکاریی، ئەو پارەیەی بەغدا رەوانەی هەرێمی دەکات بۆ مووچەی
مانگەکانی ١١ و ١٢ کە بڕەکەی زیاترە لە تریلیۆنێک دینار و بە چەند گوژمەیەک دەنێردرێت.
بەپێی
زانیارییەکان، ئەگەری هەیە ئەمڕۆ یان سەرەتای هەفتەی داهاتوو ئەو بڕە پارەیەک لە
بەغداوە بگات بۆ ئەوەی حکومەتی هەرێم پێش سەری ساڵ دەست بە دابەشکردنی هەردووکیان
بکات.