وەزیرێک سزا درا.. بزانە سزاکەی چەند ساڵ زینداییە
04:02 - 13/11/2024
زەمەن - عێراق
دەستەی دەستپاکی عێراق دەڵێت: وەزیرێکی پێشووى عێراق سزای
سێ ساڵ زیندانی بەسەردا سەپێندراوە.
لە ڕاگەیەندراوێکدا دەستەکە ئاماژەی بەوە کردووە، دادگای
تاوانەکانی ڕەسافە لەبەغدا کە تایبەتمەندە بەکەیسەکانی دەستپاکی، بڕیارێکی بەئامادەنەبوویی
لەدژی کازم فنجان حسێن دەرکردووە کە هەڵاتووە.
باسی لەوەش کردووە، کازم فنجان وەزیری پێشوتری گواستنەوەی
عێراق بووە، سزای سێ ساڵ زیندانیکردنی بەسەردا سەپێندراوە بەهۆی
پێشێلکردنی دەسەڵات‌و ئەرکەکەی.
دەشڵێت: سزاکە بەهۆی سەرپێچیکردنە لەگرێبەستەکانی دابینکردنی
سوتەمەنی فڕۆکە بۆ فڕۆکەکانی هێڵی ئاسمانی عێراقی کە لەوێستگە بیانییەکان ئەنجامدراوە.