دوو بەرپرسی رۆژئاوای کوردستان بۆ مەراسیمی دەستبەکاربوونی سەرۆکی ئەمەریکا بانگهێشت کراون
10:18 - 03/12/2024
زەمەن:-
بۆ مەراسیمی دەستبەکاربوونی سەرۆکی نوێی ئەمریکا فەرماندەی گشتی هێزەکانی سوریای دیموکرات و هاوسەرۆکی فەرمانگەی پەیوەندییەکانی دەرەوەی هەرێمی باکور و رۆژهەڵاتی سوریا بانگهێشتکراون.
ئەمڕۆ سێشەممە، ٣ی کانوونی یەکەمی ٢٠٢٤، میدیاکانی ئەمەریکا بڵاویانکردووەتەوە، هەریەک لە مەزڵوم عەبدی، فەرماندەی گشتی هێزەکانی سوریای دیموکرات و ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی هەرێمی باکور و رۆژهەڵاتی سوریا بۆ مەراسیمی دەستبەکاربونی دۆناڵد ترەمپ، سەرۆکی ئەمەریکا لە ٢٠ی کانونی دوەمی ٢٠٢٥ بانگهێشتکراون.
هاوکات، ئیلهام ئەحمەد لە چاوپێکەوتنێکدا لەگەل ماڵپەڕی ئەلمۆنیتۆر، سەبارەت بە بانگهێشتنامەکەی سەرۆکی ئەمەریکا رایگەیاند، پێدەچێت پێکەوە لەگەڵ مەزڵوم عەبدی سەردانی ئەمەریکا بکەن و لەگەڵ کابینە نوێکەی دۆناڵد ترەمپ کۆببینەوە.