جوتیارێک کەوتەژێر تراکتۆرەکەى و گیانى لەدەستدا
06:40 - 03/12/2024
زەمەن - کوردستانى
هاووڵاتییەکى دانیشتوى قەزاى بەردەڕەش لە پارێزگاى دهۆک، ئەوەى لەکاتى لێخوڕینى تراکتۆرەکەى کەوتووەتە ژێرى و بەهۆیەوە گیانی لەدەستداوە.
گوتەبێژى تەندروستیى ئاکرێ لەبارەى رووداوەکەوە رایگەیاند، ئەو کەسەی گیانی لەدەستداوە جووتیارە و پیاوێکى تەمەن 61 ساڵە و دانیشتووی گوندێکی سنووری بەردەڕەشە.
راشیگەیاند، لەکاتى رووداوەکە هاووڵاتییەکە برینداربووە و بە برینداری گەیەندراوەتە نەخۆشخانەی ئاکرێ، بەڵام دواتر بەهۆی سەختی برینەکەیەوە گیانی لەدەستداوە.