هه‌ڵمه‌تی ده‌ستبه‌سه‌رداگرتنی ئۆتۆمبێلی بێسه‌ره‌تا ده‌ستیپێكرد
02:13 - 03/12/2024
زەمەن – سلێمانی
لیژنه‌ی باڵای ئه‌منی پارێزگای سلێمانی ئۆتۆمبێلی بێسه‌ره‌تای
قه‌ده‌غه كرد و دەشڵێت: ده‌توانن ئۆتۆمبێله‌كان ببه‌نه ده‌ره‌وه‌ی هه‌رێمی
كوردستان.
ئەمڕۆ ٣ی کانوونی یەکەمی ٢٠٢٤، هەڵمەتی دەستبەسەرداگرتنی
ئۆتۆمبێلی بێسەرەتا دەستیپێکرد و لە چەندین شوێنیش بازگەی کاتی بۆ ئەو مەبەستە
دانراوە.
هاوکات ڕێگە بە هاتنەناوەوەی ئۆتۆمبێلە بێسەرەتاکان
نادرێت بە بەزۆری خۆیان لە ئۆتۆمبێلی مەلیکە و شاهینە و چەند جۆرێکی دیکەدا
دەبیننەوە.
ئەوەش لەکاتێکدایە کە دوێنێ لیژنه‌ی باڵای ئه‌منیی پارێزگای
سلێمانی ئاگادارییه‌كی بڵاو كرده‌وه و ڕایگه‌یاند: ئۆتۆمبێلـی بێسه‌ره‌تا و هه‌ڵگری
ژماره‌ی ساخته و جامڕه‌ش به شێوه‌یه‌كی نایاسایی خه‌ریكه ده‌بێته دیارده‌یه‌ك
له‌سه‌ر شه‌قامه‌كانی شاره‌كه و ڕه‌نگدانه‌وه‌ی نه‌رێنی له‌سه‌ر ناووناوبانگی هه‌رێمی
كوردستان و شاری سلێمانی دروست ده‌كات، هاوكات له ڕووی ئه‌منی و یاسایی و
تاوانكارییه‌وه كاریگه‌ری خراپ و لێكه‌وته‌ی مه‌ترسیداری هه‌یه.
وتیشی: ڕێكاری یاسایی به‌رانبه‌ر هه‌ر جۆره سوارڕه‌وێك
كه هه‌ڵگری تابلۆی ساخته و نایاسایی بێت. ڕاشیگه‌یاندووه: بۆ خاوه‌نه‌كانیان هه‌یه
كه بیبه‌نه ده‌ره‌وه‌ی هه‌رێمی كوردستان.
دووپاتیشی کردەوە، هیچ ڕێگه‌پێدان و نووسراوێك له هه‌ر
لایه‌نێك جگه له به‌ڵگه‌نامه‌ی فه‌رمی و یاسایی كه له لایه‌ن به‌ڕێوه‌به‌رایه‌تی
هاتووچۆوه ده‌ركراوه، كاریان پێ ناكرێت و ئه‌م ئاگادارییه له ڕۆژی بڵاوكردنه‌وه‌یدا
ده‌چێته بواری جێبه‌جێكردن.