کاتى بڵاوکردنەوەى لیستى مووچەى مانگى 10 راگەیەندرا
08:34 - 10/12/2024
زەمەن - کوردستانى
سەرچاوەیەک لە حکومەتى هەرێمى کوردستان رایگەیاند، سبەینێ ئەنجومەنى وەزیرانى هەرێم کۆدەبێتەوە و بڕیار لە دابەشکردنى مووچەى مانگى 10 دەدات.
ئەو سەرچاوەیە راشیگەیاند، وابڕیارە دواى کۆبوونەوەى ئەنجومەنى وەزیران لیستى مووچەى مانگى 10 رابگەیەندرێت و رۆژى پێنجشەممە یاخود سەرەتاى هەفتەى داهاتوو دەست بە دابەشکردنى مووچە بکرێت.
ئەو سەرچاوەیە دڵنیایشى دا کە مووچەى هەرسێ مانگەکەى کۆتایى ئەمساڵ دابەشدەکرێت و مووچەى هیچ مانگێک نافەوتێت.