پۆلیسى سلێمانى: تۆمەتبارێکى دەستگیرکرد لە دەربەندیخان 20 هەزار دۆلارى کەسێکى خواردووە
08:57 - 25/12/2024
زەمەن - کوردستانى
بەڕێوەبەرایەتى پۆلیسى پارێزگاى سلێمانى دەڵێت، تۆمەتبارێکیان دەستگیرکردووە بەفێڵ 20 هەزار دۆلارى کەسێکى خوارووە.
پۆلیسى سلێمانى دەڵێت، دوای ئەوەی هاوڵاتییەك لە بنكەی پۆلیسی دەربەندیخان سكاڵای تۆماركرد كە كەسێك فێڵی لێكردووەو بە بڕی 20 هەزار دۆلار پۆشاكی بۆ هێناوەو دواتر پارەكەی نەیاوە پێی و هەڵاتووە، هێزەكانی پۆلیس لێكۆڵینەوەو بەدواداچوونەكانیان دەستپێكردوو دوای گەڕان و بەدواداچوونەكان توانرا تۆمەتبار بدۆزرێتەوەو دەستگیربكرێت.
راشیگەیاندووە، لەكاتی دەستگیركردنی تۆمەتبارەکەدا دەستیان گرتووە بەسەر ئۆتۆمبێلێك و چەند پارچە چەكێكدا.