لە هەولێر نرخى بەنزین 50 دینارى دیکەى لێبووەوە لە سلێمانى هەروەکو خۆیەتى
06:47 - 25/12/2024
زەمەن - کوردستانى
ئەمڕۆ نرخى هەر لیترێک بەنزین لە هەولێر 50 دینار دابەزى، ئەوەش لەکاتێکدایە، لەچەند رۆژى رابردوودا 50 دینارى دیکە نرخەکەى هەرزانبوو.
بەڕێوەبەرى سووتەمەنیى هەولێر دەڵێت، حکومەتى هەرێمى کوردستان ئاسانکاریى بۆ بازرگانەکان کردووە بۆئەوەى بەنزین هاوردە بکەن، بەنزینى حکومیش هەیە، ئێستا بەنزینێکى زۆر هەیە، بەوهۆیەوە نرخەکەى دابەزیوە و زیاتریش دادەبەزێت.
ئەمڕۆ لە هەولێر نرخى یەک لیتر بەنزیکى نۆرماڵ بۆ 800 دینار دابەزى، موحەسەنیش بۆ 1050 دینار دابەزى.
سەرەڕاى ئەوەى لە هەولێر دووجار نرخى بەنزین دابەزیوە و لەماوەى هەفتەیەکدا 100 دینارى لێبووەتەوە، بەڵام لە شارى سلێمانى نرخەکەى هەروەکو خۆیەتى و یەک لیتر بەنزینى نۆرماڵ بە 950 دینارە.