لە ئێران تەقینەوە ڕوویدا و زیاتر لە ٥٠٠ کەس بریندارە
03:04 - 26/04/2025
زەمەن:-
میدیا ئێرانییەکان بڵاویانکردەوە، تەقینەوەیەکی بەهێز لە بەندەر عەباسی باشووری ڕۆژئاوای ئێران ڕوویداوە و بەو هۆیەوە ٥١٦ کەس برینبدارە و زیانێکی زۆریش بەر بەندەرەکە کەوتووە.
ئەمڕۆ شەممە، ٢٦ی نیسانی ٢٠٢٥، تەقینەوەیەکی بەهێز، لە بەندەری شەهید رەجایی، لە شاری بەندەرعەباس، ناوەندی پارێزگای هورموزگان لە باشووری ئێران ڕوویدا و بەپێی فریاکەوتنی خێرای ئێران تا ئیستا ٥١٦ کەس بە هۆی تەقینەوەکە برینداربوون کە برینی هەندێکیان قورسە و پێشبینیش دەکرێت ئامارەکە زیاتر بەرزبێتەوە.
هاوکات، باس لەوەش دەکرێت، ، تەقینەوەکە بەرادەیەک بەهێز بوە کە دەنگەکەی لە دورگەی قیشم و هەروەها گوندەکانی دەوروبەری بەندەر عەباس بیستراوە و چەندین بینای ئیداری بەتەواوی وێران بوون.
تا ئێستا زانیاری فەرمی لەبارەی هۆکاری رووداوەکە بڵاونەکراوەتەوە و تیمەکانی ئاگرکوژێنەوە سەرقاڵی کۆنتڕۆڵکردنی ئاگرەکەن.