نوێترین لێدوانى تەیف سامى لەبارەى مووچەى هەرێمى کوردستان
09:20 - 05/09/2024
زەمەن - کوردستانى
تەیف سامى، وەزیری دارایی عێراق رایگەیاند، بەپێی بڕیاری دادگـای فیدڕاڵیی عێراق، ناردنی مووچـە بۆ هەرێمى کوردستان بەردەوامدەبێت.
تەیف سامى راشیگەیاند، بەپێی بڕیاری دادگای فیدراڵى، ناردنی پارە بۆ مووچەی مانگانەی مووچەخۆرانی هەرێمی کوردستان بەردەوام دەبێت.
ئەوەش لەکاتێکدایە، بڕیارە سەرەتای هەفتەی داهاتوو تەیف سامی وەزیری دارایی عێراق سەردانی هەولێر بکات بەمەبەستی کۆبوونەوە لەگەڵ بەرپرسانی هەرێم لەبارەی پرسی بودجە و داهات و خەرجی.