کۆمەڵی دادگەری تاوتوێی ڕەتکردنەوەی ئەنجامەکانی هەڵبژاردن دەکات
03:50 - 22/10/2024
زەمەن - هەرێمی کوردستان
كۆمەڵ دادگەری
دەڵێت: هەندێك زانیاریمان بەدەست گەیشتووە لەبارەی ساختەکارییەوە و سەرقاڵی لێكۆڵینەوەین.
دەقی
ڕاگەیەندراوەکەی کۆمەڵی دادگەری:
بسم الله الرحمن
الرحیم
جەماوەری
كوردستان..
دەنگدەرانی كۆمەڵی
دادگەری..
ئەندام و لایەنگران..
پاش کۆتایهاتنی
پرۆسەی هەڵبژاردنی خولی شەشەمی پەڕلەمانی كوردستان، ئەنجامە بەدەستهاتووەكانی كۆمەڵی
دادگەری لە ئاست چاوەڕوانیی ئێمە و هەڵوێست و هەوڵەكانماندا نەبووە.
ئێمە سوپاسی تەواوی
دەنگدەرانمان دەكەین كە متمانەیان بە كۆمەڵی دادگەری دا و پشتیوانییان لێ كرد.
سوپاسی هەموو لیژنە و بازنە و تیم و میدیا و چاودێران و تەواوی ئەندامانمان دەكەین،
سوپاسی تەواوی كاندیدەكانمان دەكەین كە ماندووبوون و هەوڵی زۆریان دا. بەڵام وەك دیارە
دەنگەكانی كۆمەڵی دادگەریی كورستان كەمی كردووە.
سەرباری ئەوەی هەندێك
زانیاریمان لەسەر بەڕێوەچوونی پرۆسەی هەڵبژاردن بەدەست گەیشتووە، کە لای ئێمە پرسیار
لەسەر پرۆسەکە دروست دەکات و سەرقاڵی لێكۆڵینەوەین لەبارەیانەوە، پاش تەواوبوونی
لێكۆڵینەوەكانمان هەڵوێستی خۆمان لەبارەی پرۆسەكەوە ڕادەگەیەنین.
ئەم دۆخە پێویست
بە هەڵسەنگاندنی ورد و بەدواداچوونی جددی دەكات، پشتیوان بە خوا بە پلان و ستراتیژ
و بڕیاری پێویستەوە، لە ئایندەدا هیوا و ئومێد بۆ ئەندامان و دۆستان و دەنگدەرانمان
دەگێڕینەوە.
گومانی تێدا نییە
خەبات و پڕۆژەی كاری ئیسلامی هەڵكشان و داكشانی تێدایە و ئایندە پێویستی بە ورەی بەرز
و چەسپاوی و بەردەوامی هەیە، هەر بۆیە داواتان لێ دەكەین پشوودرێژ و خۆڕاگر بن،
پشتیوان بەخوا كاروانی كۆمەڵی دادگەری باشتر و درەوشاوەتر دەبێت.
والسلام علیكم
ورحمە الله
لیژنەی باڵای هەڵبژاردنی
كۆمەڵی دادگەریی كوردستان
21/10/2024 زایینی،
18 / ربیع الاخر/ 1446 كۆچی