کۆمەڵى دادگەرى ئەنجامى هەڵبژاردن رەتدەکاتەوە و دەڵێت سەرمان سوڕماوە
07:16 - 22/10/2024
زەمەن - کوردستانى
کۆمەڵى دادگەرى کوردستان ئەنجامە بەراییەکانى هەڵبژاردنى کوردستان رەتدەکاتەوە و رایدەگەیەنێت، سەریان سوڕماوە کاتێک ئەو ئەنجامەیان بیستووە و ئەو دەنگانە بەهى خۆیان نازانن.
کۆمەڵى دادگەریى کوردستان راگەیەندراوێکى بڵاوکردووەتەوە و دەڵێت، دواى ئەوەى ئەنجامى بەرایى هەڵبژاردنى پەرلەمانى کوردستان راگەیەندران سەریان سوڕما لە ئەنجامەکانى و ئەو دەنگانە بەهى خۆیان نازانن و ئەجامە بەراییەکان رەتدەکەنەوە.
لە راگەیەندراوەکەى کۆمەڵى دادگەریدا هاتووە، بەدواداچوون دەکەن بۆ شێوازى ئەو تەزویرەى لە هەڵبژاردنەکەدا کراوە، دواى کۆکردنەوەى بەڵگەى پێویست سکاڵا تۆماردەکەن.