سەرژمێری بۆ ماوەی پێنج ڕۆژ ڕادەگیرێت
12:10 - 21/11/2024
زەمەن – هەرێمی کوردستان
بۆ ماوەی پێنج
ڕۆژ پرۆسەی سەرژمێری لە هەرێمی کوردستان ڕادەگیرێت و دواتر دەستپێدەکاتەوە.
مەحموود عوسمان،
بەڕێوەبەری جێبەجێکاری سەرژمێری لە هەرێمی کوردستان بە میدیای پارتی وتووە: بە
مەبەستی ڕاهێنان بە کارمەندەکان، پرۆسەی سەرژمێریی گشتی لە هەرێمی کوردستان رادەگیرێت.
دەشڵێت: ئەمڕۆ ئەو
قۆناغەی پرۆسەی سەرژمێریی گشتیی دانیشتووان تەواو دەبێت، دواتر بۆ ماوەی پێنج رۆژ،
پرۆسەکە لە هەرێمی کوردستان رادەگیرێت و لەو ماوەیەدا بژمێرەکان سەردانی ماڵان ناکەن،
بەڵام حکومەتی عێراق لە پرۆسەکەدا بەردەوام دەبێت بە ناوچەکانی مادەی 140ـشەوە.
ناوبراو دووپاتی کردەوە کە دوای ئەو پێنج
ڕۆژە، پرۆسەکە لە هەرێمی کوردستان دەستپێدەکاتەوە.