لەسەر بردنی سەگێک هاووڵاتیەک کوژرا
06:42 - 03/04/2025
زەمەن - کوردستانی
پاشنیوەڕۆی ئەمڕۆ پێنجشەممە، لە هەولێر لەسەر بردنی سەگێک کەسێک کوژرا.
بەگوێرەی زانیارییەکانی زەمەن، رووداوەکە لە گوندی دوسەرەی سەر بە هەولێر روویداوە، دوای ئەوەی کەسێک سەگی ماڵێکی دراوسێیان دەبات، دواتر خاوەن سەگەکە دەچیت دەهێنێتەوە، بەڵام دەبێتە کێشە و لە ئەنجامدا خاوەنی سەگەکە دەکوژرێت.
بەگوێرەی گوتەی چەند شایەتحاڵێک، شەوی پێشتر، بکوژەکە بەبێ ئاگاداری بنەماڵەی کوژراو کە ناوی ئیسماعیل قەسابە سەگەکەیانی بردووە. کاتێک ئیسماعیل بەیانی سەگەکەی خۆیانی هێناوەتەوە، ناکۆکی لەنێوانیان دروست بووە و دواتر پەرەی سەندووە و کار گەیشتووەتە ئەوەی ئیسماعیلیان کوشتووە.