رووداوێکى هاتوچۆ لە رێگەى کەلار روویدا و بەهۆیەوە کەسێک گیانى لەدەستدا
07:55 - 03/04/2025
زەمەن - کوردستانى
بەڕێوەبەرایەتى هاتووچۆى گەرمیان رایگەیاند، لە رێگەى کەلار - باوەنوور ئۆتۆمبێلێک وەرگەڕا، لەئەنجامدا سەرنشینێک گیانى لەدەستدا و یەکێکى دیکەش بریندارە.
هاتووچۆى گەرمیان دەڵێت، ئۆتۆمبێلەکە لە جۆرى تۆیۆتا کۆرۆلا بووە، لە رێگەى نێوان کەلار - باوەنوور لە نزیک گوندى بەرلوت وەرگەڕاوە، لەئەنجامدا سەرنشینێک گیانى لەدەستداوە و یەکێکى دیکەیان بریندار بووە و گواستراوەتەوە بۆ نەخۆشخانە بۆ وەرگرتنى چارەسەر.