ژمارەی فەرمانبەران و موچەخۆرانی هەرێم چەندە؟
11:40 - 22/01/2020
"زمەن"
لە کابینەی پێشووتری حکومەتی هەرێمدا بایۆمەتری
بۆ کۆی فەرمانبەران و موچەخۆرانی هەرێم جگە لە ئەنجوومەنی ئاسایش و دەزگای ئاسایش
کرا و وەک تێبینی دەکرا ژمارەی موچەخۆر و فەرمانبەران ملیۆنێک تێپەڕێنێت.
بەپێی ئەو زانیاریانەی لە بایۆمەتریدا
تۆمارکراون ژمارەی فەرمانبەرانی هەرێم ٧١٠ هەزار و ٢٨٢ فەرمانبەرە و خانەنشینیش
٢٥١ هەزار و ٧٥٧ فەرمانبەرە.
هەر بەپێی داتاکە ئەو کەسانەی وەک کەسی یەکەمی
کەسوکاری شەهیدان موچە وەردەگرن ژمارەیان ٩٨هەزار و ٨٨٩ کەسە و ئەوانەشی لەناو
تۆڕی چاودێری کۆمەڵایەتیدا موچە وەردەگرن ژمارەیان ١٥٩ هەزار و ١٧٦ کەس دەبێت.
بەپێی
ئەو داتایە جگە لە ئەنجوومەنی ئاسایشی و دەزگای ئاسایش حکومەتی هەرێم خاوەنی یەک
ملیۆن و ٢٢٠ هەزار و ١٠٤ موچەخۆرە.
