ئەوانەی بە درۆنەكە گیانیان لەدەستدا باوکێک و دوو کوڕن
04:26 - 04/09/2024
زەمەن – هەرێمی كوردستان
لە سنووری ناحیەی خەلەکان ئۆتۆمبێلێک کرایە ئامانج و بە پێی زانیارییە سەرەتاییەکانیش
قوربانیی لێکەوتووەتەوە.
کامەران عەبدوڵڵا، بەڕێوەبەری ناحیەی خەلەکان
بە "زەمەن"ی راگەیاند، سێ کەس لەنێو ئەو ئۆتۆمبێلەدا بوون و هەر سێکیان
گیانیان لەدەستداوە.
وتیشی: تەرمەکان بە جۆرێک سووتاون،
ناناسرێنەوە
رووداوەکە لەنێوان
گوندی مێرگەپاشا و ناحیەی خەلەکانی سەر بەقەزای دووكان روویداوە.
وتیشی: ئەو کەسانەی لە بۆردوومانەکەدا گیانیان لەدەستداوە
باوکێک و دوو کوڕن، باوکەکە تەمەنی 45 ساڵ بووە و کوڕەکانیشی تەمەنیان 12 ساڵ و 18
ساڵ بووە.