ترەمپ بووە ٤٧هەمین سەرۆکی ئەمریکا
01:57 - 06/11/2024
زەمەن - ئەمریکا
بەپێی ئەنجامی بەرایی دەنگدان بۆ هەڵبژاردنی سەرۆکایەتیی
ئەمریکا، ترەمپ ژمارەی دەنگەکانی گەیشتە سەرو ٢٧٠ دەنگی کۆمەڵەی هەڵبژاردن و بەمەش
بوو بە ٤٧هەمین سەرۆکی ئەو وڵاتە.
لەماوەی ئەمساڵدا لە ئەمریکا، ململانێی توند لەنێوان
ترەمپ کاندیدی کۆمارییەکان و کامالا هاریس کاندیدی دیموکراتەکان ڕوویدا، دوێنێش بۆ
یەکلاکردنەوەی ئەو ململانێیە ملیۆنان کەس ڕوویان لە سندوقەکانی دەنگدان کرد تاوەکو
دەنگی خۆیان تۆمار بکەن.
ئێستاش ئەنجامەکانی دەنگدان یەکلابوونەتەوە و دۆناڵد ترەمپ
بووە سەرۆکی چوار ساڵی داهاتووی ئەمریکا
ئەمەش دوای ئەوە هات کە ترەمپ لەکۆی ٥٠ ویلایەت، توانی زیاتر
لە ٢٧٠ دەنگی ئەندامانی کۆلێژ یان کۆمەڵەی هەڵبژاردن بەدەستبهێنێت.
بەم ئەنجامە، ترەمپ دەبێتە دووەم سەرۆک لە مێژووی ئەمریکادا
کە لەپاش شکست، بگەڕێتەوە سەر کورسیی دەسەڵات.