یەکەم پەیامى جۆ بایدن لەدواى بردنەوەى دۆناڵد ترەمپ
07:54 - 07/11/2024
زەمەن - جیهانى
جۆ بایدن، سەرۆکی ئەمریکا یەکەم گوتارى لەدوای بردنەوەى دۆناڵد ترەمپ لە هەڵبژاردنی سەرۆکایەتیی ئەمریکا پێشکەشکرد و رایگەیاند، پیرۆزبایى لە دۆناڵد ترەمپ دەکەم و دەسەڵاتى رادەست دەکەم.
بایدن راشیگەیاند، لە دیموکراسیدا هەمیشە خواستی خەڵک دەیباتەوە، دواى ئەوەى دۆناڵد ترەمپ هەڵبژاردنەکەى بردەوە، قسەم لەگەڵى کرد و پیرۆزباییم لێیکرد.
بایدن دەشڵێت، ترەمپم دڵنیاکردەوە کە تەواوی ئیدارەکەم راسپاردووە بۆ ئەوەی دڵنیایی بدەن لەوەی رادەستکردنێکی ئاشتییانە و رێکوپێکی دەسەڵات بەڕێوەببەن.