وەزارەتى بەرگریى سوریا: 36 کەس لە ئەنجامى هێرشەکەى ئیسرائیل کوژران
07:00 - 20/11/2024
زەمەن - جیهانى
وەزارەتى بەرگریى سوریا راگەیەندراوێکى لەبارەى هێرشەکەى ئەمڕۆى ئیسرائیل بۆسەر چەند باڵەخانەیەکى نیشتەجێبوون لە ناوچەى تەنەف بڵاوکردەوە و دەڵێت، 36 کوژراو هەیە.
وەزارەتى بەرگریى سوریا راشیگەیاندووە، ئیسرائیلی دووژمن چەند باڵەخانەیەکی نیشتەجێبوونی لە ناوچەی تەنەف لە پارێزگەی تەدموور کردە ئامانج. لە ئەنجامدا 36 کەس کوژران و 50ـی دیکەش بریندار بوون.
وەزارەتەکە ئەوەشى راگەیاندووە، جگە لەو زیانە گیانییانە، زیانی مادیی زۆریشی لەناوچەکە داوە.