ئەمریکا بە فەرمى مۆڵەتى دایە ئۆکرانیا بۆئەوەى راستەوخۆ هێرش بکاتەسەر روسیا
07:23 - 18/11/2024
زەمەن - جیهانى
ئەمەریکا مۆڵەتی بەکارهێنانی مووشەکی دوورمەودا دەدات بە ئۆکرانیا بۆ هێرشکردنە سەر ناو قوڵایی خاکی ڕووسیا.
بەگوێرەی میدیاکان جۆو بایدن، سەرۆکى ئەمریکا بۆ یەکەم جار مۆڵەتی بەکارهێنانی مووشەکی دوورمەودای ئەمەریکایی دا بە ئۆکرانیا بۆ هێرشکردنە سەر قوڵایی ناو خاکی رووسیا.
ئەم بڕیارە گۆڕانکارییەکی گەورەیە لە سیاسەتی ئەمەریکا و لە کاتێکدایە کە بایدن خەریکە پۆستەکەی جێدەهێڵێت و سەرۆکی هەڵبژێردراو دۆناڵد ترەمپ بەڵێنی داوە پشتیوانی ئەمەریکا بۆ ئۆکرانیا کەم بکاتەوە و بە زووترین کات کۆتایی بە شەڕەکە بهێنێت.