كارەبا: لە دو رۆژی سەرژمێریدا، رۆژانە 22 سەعات كارەبا بە هاوڵاتیان دراوە
12:14 - 22/11/2024
زه‌مه‌ن – هه‌رێمی
كوردستان
بەڕێوەبەرایەتی
كۆنترۆڵی كارەبای هەرێم، ئەمڕۆ هەینی، لە راگەیەندراوێكدا وتویەتی، لە رۆژی یەكەم
و دوەمی پشوی سەرژمێریی گشتی (22) كاتژمێر كارەبای نیشتمانی بە هاوڵاتیان دراوە.
ئەوەشی خستۆتەڕو،
پلانەکە لە ڕێگەی بەرێوەبەرایەتی كۆنترۆڵی كارەبای هەرێم و بە هەماهەنگی لەگەڵ بەڕێوەبەرایەتی
كۆنترۆڵی شارەكان جێبەجێ كراوە.
بەپێی راگەیەندراوەكە،
لەم دو رۆژەدا زیاتر لە 7000 فەرمانبەری ئێشكگری كارەبا بۆ چارەسەركردنی هەر گرفتێكی
تەكنیكی لە تۆڕ و وێستگەكان و كارەبای
هاوبەشانی ماڵان لەسەر هێڵ بون.