جارێکیتر نرخى لیرەى سورى بەرزبووەوە
06:28 - 18/12/2024
زەمەن - ئابورى
ئێوارەى ئەمڕۆ بەهاى لیرەى سورى بەرامبەر دینارى عێراقى بەرزبووەوە، یەک ملیۆن لیرە بە 330 هەزار دینار مامەڵەى پێوەکرا، ئەمە لەکاتێکدایە بەیانى ئەمڕۆ یەک ملیۆن لیرە بەرامبەر 295 هەزار دینار بوو.
هەر ئەمڕۆ بانکى ناوەندیى سوریا بەهاى لیرەى بەرامبەر دۆلار بۆ جارى دووەم دەستکارى کرد، بەهاى یەک دۆلارى بەرامبەر 15 هەزار لیرە جێگیرکرد، ئەمەش لەکاتێکدایە دوو رۆژ لەمەوبەر بەهاى یەک دۆلارى بەرامبەر 12 هەزار و 500 لیرە جێگیرکرد.