تۆمەتبارانى ئەشکەنجەدانى منداڵە تەمەن 10 ساڵانەکەى کەرکوک دەستگیرکران
09:09 - 30/12/2024
زەمەن - کوردستانى
پۆلیسى کەرکوک رایگەیاند، دوو کەسیان بە تۆمەتى ئەشکەنجەدانى منداڵە تەمەن 10 ساڵانەکە دەستگیرکردووە کە ئەمڕۆ گیانیلەدەستدا.
ئەمڕۆ منداڵێکى تەمەن 10 ساڵ لە کەرکوک گیانیلەدەستدا، بەگوێرەى زانیارییەکان، منداڵەکە نانى نەدرابوویە و بەدخۆراک کرابوو، دواتر ئەشکەنجەدرابوو و لە کۆڵان فڕێدرابوو، خەڵک گەیاندبوویانە نەخۆشخانە، بەڵام پزیشکەکان فریاى چارەسەرکردنى نەکەوتبوون و لە نەخۆشخانە گیانیلەدەستدابوو.
هەر بەگوێرەى زانیارییەکان، ئەو منداڵە دایک و باوکى لەیەکترى جیابوونەتەوە و باوکى لە زینداندایە، لە ماڵى مامى ژیاوە، لەلایەن مام و ئامۆژنییەوە بە دار، ئاسن و ئاگر ئەشکەنجە درابوو.