مەسرور بارزانی: ڕەفتاری ئێستای بەغدا لەگەڵ هەرێمی كوردستان قبووڵكراو نییە
10:41 - 11/01/2025
زه‌مه‌ن - هه‌رێمی كوردستان
مەسرور بارزانی،
لە كۆبوونەوەی نائاسایی ئەنجوومەنی وەزیران لەگەڵ وەزیر و فراكسیۆنە كوردستانییەكان
لەبارەی پرسی مووچە و شایستە داراییەكانی هەرێمی كوردستان ڕایگەیاند، ئەو ڕەفتارەی
ئێستای بەغدا بەرامبەر هەرێمی كوردستان دەیكات، قبووڵكراو نییە, ڕاشیگەیاند داوای
مافە دەستوورییەكانمان لە بەغدا دەكەین.
لە هۆڵی کۆبوونەوەی
سەعد عەبدوڵڵا لە شاری هەولێر، كۆبوونەوەی ئەنجوومەنی وەزیرانی حكومەتی هەرێمی
كوردستان و وەزیرانی كورد لە حكومەتی فیدڕاڵی و فراكسیۆنە كوردستانییەكانی پەرلەمانی
عێراق بۆ پرسی مووچە و شایستە داراییەكانی هەرێمی كوردستان.
مەسرور بارزانی
لە دەسپێكی كۆبوونەوە نائاساییەكە وتارێكی پێشكەش كرد و ڕایگەیاند، خەڵكی كوردستان
شایستەی ئەمجۆرە مامەڵەیە نین و پێویستە لەو دۆخە دەروونیە ناخۆشەی ئێستا ڕزگار
بكرێن.
ڕاشیگەیاند، بەغدا
وەك پارێزگایەك بگرە بچووكتریش مامەڵە لەگەڵ هەرێمی كوردستاندا دەكات، ئەو ڕەفتارەی
ئێستا بەغدا بەرامبەر هەرێمی كوردستان دەیكات، ستەمکارانە و نادادپەروەرانەیە و
قبووڵکراویش نییە.