لەئەنجامى بۆردوومانى فڕۆکە جەنگییەکانى تورکیا نۆ ئەندامى خێزانێک بوونە قوربانى
08:55 - 11/01/2025
زەمەن - کوردستانى
ئاژانسى هاوار نیوز بڵاویکردووەتەوە، ئێوارەى ئەمڕۆ لەئەنجامى بۆردوومانى فڕۆکە جەنگییەکانى تورکیا بۆسەر گوندى مەسریب سەربە شارۆچکەى سارین لە باکوورى رۆژهەڵاتى حەلەب، خێزانێکى نۆ کەسى بوونە قوربانى.
ئاژانسەکە راشیگەیاندووە، خێزانەکە لە نۆ کەس پێکهاتبوون، بەهۆى بۆردوومانى فڕۆکە جەنگییەکانى تورکیاوە باوکەکە و دوو کچى کوژراون و پێنج منداڵى دیکە و دایکى منداڵەکانیش برینداربوون.