نوێنەرى مامۆستایانى گرێبەست: داواکارین حکومەت لە نزیکترین کاتدا مووچەکانمان دابەش بکات
07:24 - 13/01/2025
زەمەن - کوردستانى
نوێنەری گشتی مامۆستایانی گرێبەست دەڵێت، داواکارین حکومەتی هەرێم و وەزارەتی دارایی لە زووترین کاتدا مووچەی مانگی 12ی مامۆستایانی گرێبەست دابەش بکەن.
کارۆخ عەبدوڵا، نوێنەری گشتی مامۆستایانی گرێبەست رایگەیاند، کۆی مووچەكانمان بۆ هەر مانگێك نزیكەی 19 ملیار دینارە بۆ سەرجەم مامۆستایانی گرێبەست كەژمارەیان نزیكەی 38 هەزارە، پارکەى لە داهاتی ناوخۆی هەرێم دابیندەکرێت و پەیوەندی نییە بە هاتنی پارە لە بەغداوە.
ئەوەشى راگەیاندووە، تا ئێستا مامۆستایانی گرێبەستی سنووری پەروەردەکانی هەولێر و دهۆک و کەرکوک شایستەی مانگەکانی ( 7 , 8 ) ساڵی 2024 وەرنەگرتووە و بڕیارە لەم چەند ڕۆژانەدا دابەشبكرێت.