لە رۆژهەڵاتى کوردستان پۆشینى جلى کوردی خاکی و جامانە قەدەغە دەکرێت
04:13 - 20/02/2025
زەمەن - هەرێمی كوردستان
لە شارەكانی
كوردستانی رۆژهەڵات هەڵمەتێك بۆ رێگریكردن
لە لەبەرکردنی "جلوبەرگی خاکی" و لەسەرکردنی "جامانە" دەستیپێكردووە.
ڕێکخراوی مافی
مرۆڤی هەنگاو، لە هەواڵێكیدا بڵاویكردەوە "لەم دواییانەدا ئیدارەی ئیتلاعاتی
کۆماری ئیسلامیی ئێران بە گوشارخستنەسەر ئیدارەی چاودێریکردنی شوێنەکان و هەروەها
بەڕێوەبەرانی هۆڵی تایبەتی ڕێوڕەسمەکان لە شارە جیاوازەکانی کوردستان، سەبارەت بە
کەڵکوەرگرتنی میوانان لە "جامانە" و "جلوبەرگی خاکی" لەو ڕێوڕەسمەدا
ئاگاداریانی کردووینەتەوە و هەڕەشەی لێکردوون.
بەپێی راپۆرتی
ئەو رێكخراوە لە شاری سنە لە ماوەی مانگی ڕابردوودا
هۆڵێک بۆ ماوەی سێ هەفتەو هۆڵێکی دیکە بۆ ماوەی دوو هەفتە داخراوە و بەڕیوەبەرەکانیان
بەسەختی هەڕەشەیان لێکراوە کە لە ئەگەری بەڕێوەچوونی ڕێوڕەسمەکان بەو دوو هێمایەوە،
هۆڵەکانیان بۆ ماوەیەکی زۆر دادەخرێن.
هەنگاو ئاشکرایشیکردوە
، لە سەرەتای مانگی 1ی ئەمساڵەوە، لانیکەم 58 هاوڵاتیی کورد لە شارەکانی مەهاباد،
بۆکان و پیرانشار بە تۆمەتی پۆشینی جلی خاکی و بەکارهێنانی جامانە بانگهێشتی ناوەندە
ئەمنییەکان کراون.