کاتى ناردنى لیستى مووچەى مانگى چوار بۆ بەغدا ئاشکراکرا
08:30 - 05/04/2025
زەمەن - کوردستانى
سەرۆکی فەرمانگەی تەکنەلۆجیای زانیاری دەڵێت، لە سبەینێوە دەست دەکرێت بە ئامادەکردنى لیستى مووچەى مانگى چوار و دواى تەواوبوونى رەوانەى بەغدا دەکرێت.
هیوا ئەفەندی، سەرۆکی فەرمانگەی تەکنەلۆجیای زانیاری حکومەتی کوردستان رایگەیاندووە،لە سبەینێوە کە یەکەم رۆژى دەوامە لەدواى پشووەکانى جەژنى رەمەزانەوە، دەست دەکرێت بە ئامادەکردنى لیستى مووچەى مانگى چوار بەشێوەى پەیرۆڵ، دەشڵێت، لەماوەى دوو بۆ سێ رۆژدا لیستى مووچەى هەموو وەزارەت و دەستەکان جگە لە لیستى خانەنشینان ئامادە دەکرێت و بۆ بەغدا دەنێردرێت.
هیوا ئەفەندى راشیگەیاندووە، هۆکارى ئامادەنەبوونى لیستى مووچەى خانەنشینان بۆئەوە دەگەڕێتەوە، فەرمانبەرى نوێ خانەنشین بووە بۆیە بەزوویى لیستەکەیان ئامادە نابێت.
هاوکات وەزارەتی دارایی ئاماژەی بەوەداوە، مانگانە بۆناردنی مووچە و بەتایبەت مووچەی هەرمانگێک بەپێی ڕێکەوتنی نێوان هەولێرو بەغدا، دەبێت چەند ڕێکارێک بگیرێنەبەر ئەوانیش:
یەکەم؛ میزان موراجەعەیە: واتا داهات و خەرجی حکومەت، بۆ ئەم مەبەستەش سبەی یەکشەممە دەست دەکەن بە ئامادەکردنی میزان موراجەعەی مانگی سێ، بۆ ئەوەی بزانرێت داهات و خەرجی چەند بووە.
دووەم؛ ناردنی داهاتی ناوخۆیە بۆ بەغدا.