ئه‌مڕۆ گۆڕان له كۆنگره‌دا 50 كه‌س بۆ سه‌ركردایه‌تی هه‌ڵده‌بژێرێت
10:50 - 05/04/2025
زەمەن _ کوردستانی
دەستەی گشتی بزووتنەوەی گۆڕان ئەمڕۆ ڕایانگەیاند: پاڵپشت بە بڕیارەكانی ئەنجومەنی كۆمسیاران، سێیەمین كۆنفرانسی نیشتمانی بزوتنه‌وه‌كه ده‌به‌ستێت".
ئەمڕۆ شەممە، ٥ی نیسانی ٢٠٢٥، بزووتنەوەی گۆڕان پاڵپشت بە بڕیارەكانی ئەنجومەنی كۆمسیاران، سێیەمین كۆنفرانسی نیشتمانی بزوتنه‌وه‌كه ده‌به‌ستێت و له كۆنگره‌كه‌ی ئه‌مڕۆدا ئه‌ندامانی كۆنگره (50 كه‌س) بۆ سه‌ركردایه‌تی نوێ هه‌ڵده‌بژێرن.
هاوکات، پۆستی رێكخه‌رو ئه‌ندامانی خانه ئه‌مڕۆ هه‌ڵنابژێردرێن و له رۆژانی داهاتوو ئه‌و 50 كه‌سه رێكخه‌رو خانه هه‌ڵده‌بژێرن.
هەروەها بەپێی زانیارییەکانی ''زەمەن'' له كۆنگره‌كه‌دا گۆڕانكاری له ده‌ستوری ناوخۆی بزوتنه‌وه‌كه‌شدا ده‌كرێت، ئه‌وه جگه له‌وه‌ی پێده‌چێت هه‌ر ئه‌مڕۆ له دره‌نگانێكی ئێواره یان شه‌و كۆنگره‌كه ته‌واو بێت..