دوو تۆمەتبار بە بڕیکى زۆر دۆلار و مادەى هۆشبەرەوە دەستگیرکران
08:26 - 29/03/2025
زەمەن - کوردستانى
بەڕێوەبەرایەتی نەهێشتنی مادە هۆشبەرەکان رایگەیاند، دوو تۆمەتباریان دەستگیرکردووە کە کیلۆیەک مادەى هۆشبەرى ماریوانا و بڕێکى زۆر دۆلاریان پێبووە.
راشیگەیاندووە، لەبەردەوامی هەوڵەکانمان بۆ ڕووبەڕووبوونەوە و نەهێشتنی ماددە هۆشبەرەکان، بەرێوەبەرایەتی نەهێشتنی ماددەهۆشبەرەکان دوای وەرگرتنی بڕیاری دادوەری لێکۆڵینەوەی ئاساییش، لەناو شاری هەولێر لە(٢٨ی ٣ی ٢٠٢٥) توانی دوو تۆمەتبار کەکاری کڕین و فرۆشتن و بڵاوکردنەوەی مادەى هۆشبەریان کردووە دەستگیربکەن.
دەشڵێت، ئەو دوو تۆمەتبارەی کەدەستگیرکراون بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان مامەڵەیان لەگەڵدا دەکرێت.