ئەردۆغان دانی بە شکستە مێژویەکەیدا نا!
4/3/2024 8:42:00 PM
کاردۆ محەمەد
لە هەڵبژاردنی شارەوانیەکانی تورکیا، ئەردۆغان دانی بە
شکستە مێژویەکەیدا نا!
بە لەبەرچاوکردنی قەیرانی دارایی و فاکتەری نێودەوڵەتی لەگۆرانکارییەکان،
هەڵبژاردنی تورکیا چەند راستییەک پشتڕاستدەکاتەوە:
１-هەڵبژاردن؛ باشترین
بژاردەی گۆڕانکارییە بە شێوازی مەدەنی و دیموکراسی.
２-چەندین ئەگەر
و رێگاو بۆ گۆڕانکاری هەیە، لەناو هەمو رێگاکاندا تێکۆشانی سیاسی و مەدەنی و دیموکراسی
دور لە توندوتیژی بەقازانجی عەدالەت و ئازادی دەشکێتەوە.
３-مەسەلەی گۆڕانکاری
حەتميه ، هێز و کەڵەگایی ناتوانێ پێشی پێ بگرێ، شێوازی دیموکراسیی و بەشداریی سیاسی
گەل لە دەربڕینی ویستیدا لەبەرژەوەندی گەلاندایە.
４-هێز و سوڵتانیەت
و ئەفسانە سازی و لە خۆباییبون گلۆرەت بەرەو لێژی دەبات، ئەزمونی ئەکەپە لە تورکیا.
５-لە خەباتی سیاسیدا،
هەڵە و لادان رودەدات بە هەڵگرتنی بەرپرسیارێتی و رەخنە لەخۆگرتن و گۆڕانکاری لەسەرکردایەتی
هەڵە راستدەکرێتەوە، گرەو لەسەر سەرکەوتن دەکرێ، ئەزمونی دەم پارتی و جەهەپە.
سەرکەوتنی گەلەکەمان
لە خەباتی دیموکراسی بەرێگای مەدەنی و جەماوەری لەپێناوی ماف و ئازادییدا، شکستی بەزەبر
و زەنگ و توندوتیژی هێناوە.
بۆیە پێداگری لەسەر رێگای جەماوەری و مەدەنی بۆ چارەسەری
کێشەی رەوای گەلەکەمان بە شێوازی ئاشتیانە هێزێکی گەورە و لەبن نەهاتو بە گەلان دەبەخشێ.
دەسەڵات چەنگەپڕەی بەکارهێنانی هێز و کاری نایاسایی دەکا،
بەڵام هەرگیز قەرەبوی شکستەکەی پێ ناکرێتەوە.