کاتى ناردنى مووچەى مانگى 10 راگەیەندرا
08:46 - 23/10/2024
زەمەن - کوردستانى
سەرچاوەیەک لە وەزارەتى دارایى عێراق رایگەیاند، دەستیانکردووە بە دابەشکردنى مووچەى مانگى 10ى مووچەخۆرانى عێراق، هەرکات لیستى مووچەى مووچەخۆرانى هەرێمیان پێگەیشت پارەیان بۆ خەرجدەکەن.
سەرچاوەیەک لە وەزارەتى دارایى هەرێمى کوردستات بە زەمەنى راگەیاند، سەرەتاى هەفتەى داهاتوو لیستى مووچەى مانگى 10ى مووچەخۆرانى هەرێمى کوردستان رەوانەى بەغدا دەکەن، پێشبینى دەکەن لە کۆتایى هەفتەى داهاتوو بەغدا پارەکە بخاتەسەر هەژمارى بانکى وەزارەتى دارایى.
سەرچاوەکەى وەزارەتى دارایى هەرێمى کوردستان راشیگەیاند، لە سەرەتاى دواى گەیشتنى پارەکە پێیان راستەوخۆ لیستى مووچەى مانگى 10 رادەگەیەنن و دەست بە دابەشکردنى دەکەن.