لە تورکیا 16 هەزار کەس لەکاتی قوربانیکردندا برینداربوون
10:44 - 17/06/2024
زەمەن - تورکیا
فەخرەدین کۆجا وەزیری
تەندروستیی تورکیا ئاشکرایکرد، لە یەکەم رۆژی جەژنی قورباندا 16 هەزار کەس لە کاتی
قوربانیکردندا بریندار بوون.
ناوبراو لە تۆڕی
کۆمەڵایەتیی ئێکس ئاماژەی بەوە کردووە، ئەو کەسانەی لەکاتی قوربانیکردندا
برینداربوون، بە مەبەستی وەرگرتنی چارەسەر
براونەتە نەخۆشخانە و بنکە تەندروستییەکان.
فەخرەدین
کۆجا باسی لەوەش کردووە، هەزار و 274 کەس لەوان لە ئەنقەرە، 840 کەسیان لە ئیستەنبووڵ و 416 کەسی
دیکەیان لە ئیزمیر بوون.
دوێنێ کە ١٦ی
حوزەیران بوو، یەکەم رۆژی جەژن بوو لە باکووری کوردستان و تورکیا و ژمارەیەکی زۆر
هاونیشتمانی و هاووڵاتیش قوربانییان کرد.